బీజేపీ నూతన కార్యాలయాన్ని ప్రారంభించిన ప్రధాని మోదీ

నా తెలంగాణ, న్యూ ఢిల్లీ: రాజధాని ఢిల్లీలో బీజేపీ నూతన కార్యాలయ భవనాన్ని ప్రధానమంత్రి నరేంద్ర మోదీ ప్రారంభించారు. సోమవారం ప్రారంభించిన ఈ భవనం రాజధానిలో 17వది. భవన నిర్మాణానికి రూ. 2.23 కోట్ల ఖర్యయ్యింది. కొత్త కార్యాలయం జాతీయ కార్యాలయానికి ఆనుకొని ఉంది. రాజధానిలోని దీన్​ దయాళ్​ ఉపాధ్యాయ్​ మార్గ్​ లో ఈ కార్యాలయాన్ని మోదీ ప్రారంభించగా, ఆయన వెంట కేంద్రమంత్రి జేపీ నడ్డా, సీఎం రేఖా గుప్తా తదితరులున్నారు. 
ప్రత్యేకతలు..
కొత్త కార్యాలయం 825 చ.మీ. స్థలంలో, 30వేల చ.అ. విస్తీర్ణంలో ఉంది. ఐదు అంతస్థులుగా నిర్మించగా వాహనాల పార్కింగ్​ కు రెండు బేస్మెంట్​ లు నిర్మించారు. ప్రవేశద్వారం వద్ద దక్షిణాది భారత నిర్మాణ శైలిని పోలి ఉన్న పొడవాటి స్తంభాలున్నాయి. ఈ కార్యాలయాన్ని పర్యావరణ అనుకూలంగా, ఆధునిక సౌకర్యాలతో రూపొందించారు. గ్రౌండ్​ ఫ్లోర్​ లో కాన్ఫరెన్స్​ రూమ్​, రిసెప్షన్​, క్యాంటీన్​ ఉండగా, మొదటి అంతస్థులో 300మంది కూర్చునే సామర్థ్యం గల ఆడిటోరియం ఉంది. ఢిల్లీ యూనిట్​ లోని వివిధ విభాగాలను రెండు అంతస్తులో, పార్టీ ఉపాధ్యక్షులు, ప్రధాన కార్యదర్శులు, కార్యదర్శుల కార్యాలయాలు మూడో ఫ్లోర్​ లో ఉన్నాయి. పై అంతస్తులో బీజేపీ ఢిల్లీ అధ్యక్షుడు, ప్రధాన కార్యదర్శి కార్యాలయాలు, ఎంపీలు, రాష్ర్ట యూనిట్​ ఇన్​ చార్జీల కోసం గదులున్నాయి. 2023 జూన్​ 9న కార్యాలయానికి భూమి నిర్వహించారు.