వేగవంతమైన రవాణా ఐఎంఈసీ కారిడార్ కీలకం
IMEC Corridor is key for fast transport
కేంద్రమంత్రి పీయూష్ గోయల్
నా తెలంగాణ, న్యూ ఢిల్లీ: వస్తువులను వేగవంతంగా తరలించేందుకు భారత్–మిడిల్ఈస్ట్–యూరోప్ ఎకనామిక్ కారిడార్ (ఐఎంఈసీ) కీలకం కానుందని కేంద్రమంత్రి పీయూష్ గోయల్ అన్నారు. న్యూ ఢిల్లీలోని శుక్రవారం తొలి ఇడియా మెడిటరేనియన్ బిజినెస్ కాన్ క్లేవ్ –2024లో ప్రసంగించారు.
కారిడార్ ల అభివృద్ధి ద్వారా ఐరోపా–ఆసియా సముద్రంలో కూడా వేగవంతమైన రవాణా సాధ్యపడుతుందన్నారు.
జీ–20లో ఐఎంఈసీ ప్రారంభించాలని భారత్ నిర్ణయించిందన్నారు. దీనికి యూఏఈ, జోర్డాన్, ఇజ్రాయెల్, యూరోపియన్ దేశాలు భాగస్వామ్యం వహించడం హర్షణీయమన్నారు. దీంతో మధ్యప్రాచ్యాన్ని ఏకీకృతం చేయడమే తమ లక్ష్యంగా పెట్టుకున్నామని చెప్పారు.
దీంతో లాజిస్టిక్ ఖర్చులు భారీగా తగ్గడమే గాక వేగవంతమైన కనెక్టివిటీ, వస్తువుల తరలింపు సులభమవుతుందన్నారు. తద్వారా వ్యాపార, వాణిజ్యాల్లో భారీ పెరుగుదల నమోదవుతుందన్నారు. దీంతో ఈజ్ ఆఫ్ డూయింగ్ బిజినెస్ దిశగా కేంద్రం చేస్తున్న ప్రయత్నాలు విజయవంతం కాగలవన్నారు. అన్ని దేశాలకు ఆర్థిక ప్రయోజనాల సత్ఫలితాలు అందుతాయని పీయూష్ గోయల్ తెలిపారు. భారత్ లో పండే పంటలు మధ్యధరా దేశాలకు వెళ్లడంలో ఈ విధానం కీలకం అవుతుందన్నారు. దీంతో అపారమైన ఉపాధి అవకాశాలు కూడా లభిస్తాయని పీయూష్ గోయల్ వివరించారు.
