హమాస్​ ఆర్మీ చీఫ్​ ఇస్సా హతం ప్రకటించిన ఐడీఎఫ్​

జోర్డాన్: హమాస్​ ఆర్మీ చీఫ్​ మార్వాన్​ ఇస్సాను ఐడీఎఫ్​(ఇజ్రాయెల్​ డిఫెన్స్​ ఫోర్స్) హతమార్చినట్లు ప్రకటించింది. అండర్​ గ్రౌండ్​ ఆపరేషన్​కు సంబంధించిన వీడియోను ఆదివారం ఇజ్రాయెల్​ ఆర్మీ విడుదల చేసింది. ఇజ్రాయెల్​పై దాడికి పాల్పడిన హమాస్​ఉగ్రవాదులు గాజాను విడిచి పారిపోగా చాలామందినే ఐడీఎఫ్​ వెతికి వెతికి మరి మట్టుబెట్టినట్లు ప్రకటించింది. ప్రముఖ నేతలతోపాటు ఆ ఆపరేషన్​లో పాల్గొన్న ప్రతీఒక్కరిని హతమార్చామని తెలిపింది. హమాస్​ ఆర్మీ చీఫ్​ కోసం ఐడీఎఫ్​ గాలింపు చర్యల్లో భాగంగా గాజా ప్రాంతంలోని బంకర్లు, భవంతులు అనే తేడా లేకుండా వెతికింది. అయినా ఇస్సా పట్టుబడలేదు. తాజాగా విడుదల చేసిన వీడియోలో అతన్ని హతమార్చామని పేర్కొంది. ఇతని మృతితో ఇక హమాస్​ అనే ఉగ్రమూక లేనట్లేనని ఐడీఎఫ్​ భావిస్తోంది.