రుణమాఫీపై రైతుల ఆందోళన ఎమ్మెల్యే అనిల్​ యాదవ్​ మద్ధతు

నా తెలంగాణ, ఆదిలాబాద్​: పార్టీలకు అతీతంగా రుణమాఫీ చేయాలని ఎటువంటి షరతులు లేకుండా రైతులకు ఇచ్చిన మాట నిలబెట్టుకోవాలని శనివారం ఆదిలాబాద్ జిల్లా తలమడుగు మండల కేంద్రంలోని రైతులు సీఎం దిష్టిబొమ్మ దగ్ధం చేశారు. ఈ సందర్భంగా రైతులు మాట్లాడుతూ, రాజకీయానికి అతీతంగా రైతులకు రుణమాఫి చేస్తామని చెప్పి ఇప్పుడు మోసం చేస్తున్నారని ఆరోపించారు. ప్రభుత్వం వెంటనే స్పందించి 15 రోజులలోగా అందరు రైతులకు రుణమాఫీ చేయాలని డిమాండ్​ చేశారు.

రైతులకు మద్ధతుగా ఎమ్మెల్యే బైఠాయింపు.. 

రైతులు జైనథ్​ మండలంలోని రాస్తారోకో, జాతీయ రహదారిని దిబ్బంధం చేశారు. ఈ సమయంలో అక్కడి నుంచి వెళుతున్న బోథ్​ ఎమ్మెల్యే అనిల్ యాదవ్ సైతం రైతులకు మద్దతుగా రాస్తారోకోలో పాలుపంచుకొని నిరసన వ్యక్తం చేశారు. రైతులు కోరుతున్న న్యాయమైన డిమాండ్లను నెరవేర్చే బాధ్యత ప్రభుత్వంపై ఉందన్నారు. వెంటనే రుణమాఫీ చేయాలని డిమాండ్​ చేశారు. ఓ వైపు రైతుల పక్షపాతిగా చెప్పుకుంటున్న సీఎం రైతులను మరోసారి మోసం చేశారని ఇందుకు ఆయన వెంటనే రాజీనామా చేయాలని ఎమ్మెల్యే డిమాండ్​ చేశారు.