ముజఫర్ పూర్ లో పట్టాలు తప్పిన గూడ్స్
నెలలో రెండోసారి ఘటనపై విద్రోహ కోణం? విచారణ చేపట్టిన రైల్వే ఆర్పీఎఫ్ పోలీసులు
పాట్నా: బిహార్ లోని ముజఫర్ పూర్ లో గురువారం గూడ్స్ రైలు పట్టాలు తప్పింది. మూడు బోగీలు గురువారం రాత్రి పట్టాలు తప్పాయని అధికారులు శుక్రవారం వెల్లడించారు. పట్టాలు తప్పడం పట్ల విద్రోహ కోణంపై విచారణ చేపడుతున్నట్లు రైల్వే ప్రొటెక్షన్ ఫోర్స్ అధికారులు వెల్లడించారు. ఇదే ప్రాంతంలో గత నెల రోజుల క్రితం కూడా గూడ్స్ రైలు పట్టాలు తప్పి ఆరు బోగీలు ప్రమాదపు టంచులో నిలిచాయి. ఈ ఘటన నారాయణ్ పూర్ సమీపంలోని అనంత్ స్టేషన్ లో జరిగినట్లు అధికారులు వివరించారు. నూనె లోడ్ ను అన్ లోడింగ్ చేశాక స్టేషన్ లో గూడ్స్ రైలును నిలిపేందుకు బయలుదేరింది. ఈ సందర్భంగా ఈ ప్రమాదం చోటు చేసుకుందన్నారు. ప్రమాదంలో ఎలాంటి ప్రాణనష్టం లేదన్నారు. విషయం తెలుసుకున్న రైల్వే ఇంజనీరింగ్ విభాగాధికారులు ప్రమాదస్థలానికి చేరుకొని గూడ్స్ రైలును పక్కకు తప్పించడంలో మిగతా రైళ్ల రాకపోకలు కొనసాగాయి. ఇదే ప్రాంతంలో రెండు ప్రమాదాలు జరగడం పట్ల పలు అనుమానాలు వ్యక్తమవుతున్నాయి.
