ఆశీర్వదించిన ప్రకృతి

ఇంఫాల్​: ఓ వైపు భారీ వర్షం.. మరోవైపు మణిపూర్​ లో హింస బాధితులను ఎలగైనా కలవాలి, వారి ఇతిబాధలను తెలుసుకోవాలన్న ప్రధాని నరేంద్ర మోదీ సంకల్పం ముందు ప్రకృతి సైతం ఆశీర్వాదం ఇచ్చినట్లుగా తలొగ్గింది. శనివారం మణిపూర్​ పర్యటన సందర్భంగా భారీ వర్షాల కారణంగా చురచంద్​ పూర్​ ప్రధాని పర్యటనకు అడ్డంకిగా మారింది. దీంతో ఇంఫాల్​ వరకు విమానంలో చేరుకున్న ప్రధాని నరేంద్రమోదీ ఆ తరువాత 65 కి.మీ. గంటన్నర ప్రయాణాన్ని వాహనంలో కొనసాగించారు. ప్రయాణంలో మణిపూర్​ ప్రజలకు సెల్యూట్​ చేస్తూ ముందుకు కొనసాగారు. పెద్ద వర్షంలో కూడా ప్రజలు తనపై ఉన్న ప్రేమాభిమానాలతో వచ్చినందుకు కృతజ్ఞతలు తెలిపారు. హెలికాప్టర్​ ఎగరకపోవడమే మంచిదని, ఇక్కడి ప్రజల అభిమానాన్ని, వారి హృదయాల్లో తనకు ఉన్న స్థానాన్ని గుర్తించగలిగానని అనంతరం జరిగిన బహిరంగ సభలో ప్రధాని నరేంద్ర మోదీ ప్రకటించారు.