యుద్ధానికి సిద్ధంగా ఉండాలి!

శాంతి, పరిష్కార మార్గాల ద్వారానే ముందుకు
ప్రపంచంలో నెలకున్న అస్థిరత నేపథ్యంలోనే అప్రమత్తత
సైనిక రంగం మరిన్ని ఆయుధాలు సమకూర్చుకోవాలి
సాంకేతికతను మరింత మెరుగుపర్చుకోవాలి
కేంద్ర రక్షణ శాఖ మంత్రి రాజ్​ నాథ్​ సింగ్​ 

లక్నో: సాయుధ బలగాలు యుద్ధానికి సిద్ధంగా ఉండాలని రక్షణ శాఖ మంత్రి రాజ్​ నాథ్​ సింగ్​ సంచలన వ్యాఖ్యలు చేశారు. గురువారం లక్నోలో సైనిక సమావేశం (జాయింట్​ కమాండర్స్​)లో ప్రసంగించారు. భవిష్యత్​ లో ఎదుర్కొనే సమస్యలపై పూర్తి సన్నద్ధంగా ఉండడంపైనే దృష్టి కేంద్రీకరించాలని సైనికులకు పిలుపునిచ్చారు. ప్రపంచంలో అస్థిరత నెలకున్నా భారత్​ శాంతిపూర్వక సమాధానాలు, పరిష్కార మార్గాలతోనే ముందుకు వెళుతుందన్నారు. అయినా దేశ సైనికులు అన్నింటికీ సిద్ధంగా ఉండాలని పేర్కొన్నారు. త్రివిధ దళాల మధ్య మరింత సమన్వయం అవసరమన్నారు. ఉమ్మడి సైనిక విధానం అభివృద్ధి, భవిష్యత్​ లో ఎదుర్కునే సవాళ్లు, ప్రపంచ యుద్ధాలు, కవ్వింపు చర్యలపై ఎప్పటికప్పుడు చర్యలు తీసుకోవాలన్నారు. శత్రువు ఊహించని దాడులను కూడా సమర్థవంతంగా తిప్పికొడుతూనే వారిపై దాడికి సిద్ధంగా ఉండాలని సైనికులకు పిలుపునిచ్చారు. దేశ సరిహద్దులో శాంతి, సుస్థిరతలు సవాల్​ విసురుతున్న ప్రస్తుత తరుణంలో సైనిక నాయకత్వం అప్రమత్తత పాటించాలన్నారు. ఆయుధ డిపోల్లో మరిన్ని ఆయుధాలను సమకూర్చుకోవాలన్నారు. 
సైనిక రంగం ఆధునాత సాంకేతికత, ఏఐ టెక్నాలజీ వంటి వాటిపై దృష్టి సారించి నాయకత్వాన్ని మరింత మెరుగ్గా తీర్చిదిద్దుకోవాలని మంత్రి రాజ్​ నాథ్​ సింగ్​ పిలుపునిచ్చారు.