పశ్చిమ బెంగాల్​ లో బీజేపీ కార్యకర్త హత్య

కోల్​ కతా: పశ్చిమ బెంగాల్​ లో బీజేపీ కార్యకర్త మృతదేహం లభ్యమైంది. గత వారం రోజులుగా అతన్ని చంపేస్తామని టీఎంసీ కార్యకర్తలు బెదిరిస్తున్నారని కుటుంబ సభ్యులు ఆరోపించారు. బుధవారం ఇంటి నుంచి బయటికి వెళ్లిన బీజేపీ కార్యకర్త దీనబంధు మిద్యా మృతదేహాన్ని శుక్రవారం పోలీసులు గోరమహల్​ గ్రామంలోని ఓ పొలంలో గుర్తించారు. దీంతో  ఆప్రాంతంలో తీవ్ర అలజడి రేగింది. 

బీజేపీ కార్యకర్త దీన్​ బంధు హత్యను రాష్ర్ట అధికార పార్టీ ఖండించింది. టీఎంసీ కార్యకర్తలే హత్య చేశారని దీనిపై సీబీఐ విచారణ జరిపించాలని పార్టీ, కుటుంబ సభ్యులు డిమాండ్​ చేశారు. టీఎంసీ దుండగులే తన బిడ్డను పొట్టన బెట్టుకున్నారని తల్లి హిన్రానీ మండిపడ్డారు. మృతదేహాన్ని స్వాధీనం చేసుకున్న పోలీసులు పోస్టుమార్టం కోసం తరలించారు. ఆ ప్రాంతంలో ఉద్రిక్తతలు చెలరేగే అవకాశం ఉండడంతో పోలీసులు భారీ బందోబస్తును ఏర్పాటు చేశారు.