ఈశాన్యంలో బీజేపీ పాగా

డిస్ఫూర్​: ఈశాన్య ప్రాంతాల్లో బీజేపీ అత్యధిక స్థానాలను కైవసం చేసుకోవడం ఖాయమని బీజేపీ నాగాలాండ్​ మంత్రి టెమ్​ జెన్​ ఇమ్నా అలోంగ్​ అన్నారు. మంగళవారం ఆయన మీడియాతో చిట్​ చాట్​ ద్వారా మాట్లాడారు. ఈశాన్యంలో ఉన్న మొత్తం 25 స్థానాల్లో 20కి పైగా స్థానాలను కైవసం చేసుకోవడం పక్కా అన్నారు. ఈశాన్య ప్రాంతాల్లో మోదీ మేనియా బాగా పెరిగిందన్నారు. అంతేగాక ఆయన అభివృద్ధికి అత్యధిక ప్రాధాన్యతనీయడం వల్ల ప్రజల్లో విశ్వాసం ఏర్పడిందన్నారు. యూనిఫామ్​ సివిల్​ కోడ్​ అంశాన్ని కేంద్రమంత్రి అమిత్​ షాతో చర్చించామన్నారు. అసోం సీఎం హిమంత బిశ్వ శర్మ బీజేపీ విజయానికి తీవ్రంగా కృషి చేస్తున్నారని, ఆయన సారథ్యంలో తప్పక విజయ లక్ష్యాన్ని అలవోకగా చేరుకుంటామని అలోంగ్​ తెలిపారు.