779 జిల్లాల్లో 5 జీ సేవలు కేంద్రమంత్రి పెమ్మసాని చంద్రశేఖర్​

నా తెలంగాణ, న్యూఢిల్లీ: ఫైవ్​ జీ సేవలను దేశవ్యాప్తంగా విస్తరించామని కేంద్ర కమ్యూనికేషన్​, గ్రామీణాభివృద్ధి శాఖ సహాయ మంత్రి పెమ్మసాని చంద్రశేఖర్​ పార్లమెంట్​ కు బుధవారం లిఖిత పూర్వక సమాధానం ఇచ్చారు. దేశంలో 783 జిల్లాల్లో 779 జిల్లాల్లో 5 జీ సేవలు అందుబాటులో ఉన్నాయన్నారు. టెలికాం సర్వీస్​ ప్రొవైడర్లు, తీర ప్రాంతాలతో సహా దేశవ్యాప్తంగా 5జీ సేవలను విస్తరించారని, కనీస రోల్​ అవుట్​ బాధ్యతలను మించి పోయారని అన్నారు. 4జీ, 5జీ నెట్​ వర్క్​ ల లభ్యత, వినియోగదారులలో ఆన్​ లైన్​ బ్యాంకింగ్​ సేవలు, ఈ కామర్స్​, ఆన్​ లైన్​ విద్య, ప్రభుత్వ సేవల్లో పెరుగుదల నమోదైనట్లు వివరించారు. కేంద్ర ప్రభుత్వం సాంకేతికంగా ముందుకు వెళ్లేందుకు 2జీ, 3జీ, 4జీ తరువాత 5జీ నెట్​ వర్క్​ ను భారత్​ లో ప్రవేశపెట్టింది. 5జీ ద్వారా మరింత మెరుగైన ఇంటర్నెట్​ సేవలను అందించాలని ప్రభుత్వం నిర్ణయించింది. ఈ నేపథ్యంలో కేంద్ర ప్రభుత్వం నిర్దేశించిన లక్ష్యాలను చేరుకునే ప్రయత్నంలో విజయం సాధించింది.