పాఠశాలను తెరవాలని జిల్లా విద్యాశాఖాధికారికి విజ్ఞప్తి

నా తెలంగాణ, డోర్నకల్: పాఠశాల మూతపడడంతో విద్యార్థులు తీవ్ర ఇబ్బందులు పడుతున్నారని సీరోలు మండల కాంగ్రెస్​ పార్టీ ఉపాధ్యక్షులు మలిశెట్టి వేణు ఆవేదన వ్యక్తం చేశారు. స్థానికంగా ఉన్న విద్యార్థులకు చదువుకోవడానికి ఎక్కడికి వెళ్లాలో అర్థం కావడం లేదన్నారు. శుక్రవారం వేణు మహబూబాబాద్​ జిల్లా విద్యాశాఖాధికారి రామారావుకు వినతిపత్రం అందజేశారు. సీరోలు కొత్తూరు (సి) గ్రామ శివారులో గుజిలితండాలో ఉన్న పాఠశాలను తిరిగి తెరిపించి విద్యార్థుల చదువుకు ఆటంకాలు లేకుండా చూడాలని రామారావుకు విన్నవించారు.